சுப்பன் , ரங்கன் பங்குசந்தை அரட்டை …(12.01.2009 -16.01.2009)

ரங்கன் :

என்ன சுப்பா எப்படி இருக்கே !!!... பொங்கல் எல்லாம் சிறப்பா முடிஞ்சுதா ???


சுப்பன் :

பொங்கல் என்னவோ செழிப்பாத்தான் நடந்தது ...ஆனா நம்ம சந்தையிலதான் செழிப்பு இல்ல ....


ரங்கன் :

நீ சொல்றது சரி தான் சுப்பா ...சத்யம் வெவகாரம் வந்ததுலே இருந்து வெளிநாட்டு பயலுக தொடர்ந்து வித்துகிட்டே இருக்காங்க .... நம்ம உள்ளூறு பயலுகளும் கொஞ்சம் கூட சலிக்காம வாங்குறாங்க ... என்ன அவுக விக்கிறதுலே பாதி தான் நம்மாளுங்களாள வாங்க முடியுது ...


சுப்பன் :

வர்ற செவ்வாய் கிழமை ஒபாமா பதவி ஏற்கிறார் போல இருக்கு ...


ரங்கன் :

ஆமா சுப்பா ...இப்போ அவரு வாய்ல இருந்து என்ன வார்த்தை வரும்னு காத்துட்டு இருக்காங்க ...

புயல் வந்தா அதுக்கு ஒரு பேரு வைப்பாங்க ...அது மாதிரி இதுக்கு “ஒபாமா ரேலி” அப்படின்னு பேரு வச்சியிருக்காங்க


சுப்பன் :

பாப்போம் ...அவரு புயலா வர்ராரா !!! இல்லை தென்றலா வர்ராரா !!!


சுப்பன் :

நம்ம சந்தையை ஆட்டி படைக்கிறது வெளிநாட்டு பயலுக தான் !!! நினைச்சா ஏத்துரானுங்க …நினைச்சா இறக்குரானுங்க ...


ரங்கன் :

நம்ம நாட்டுல இப்போ INFLATION கொரஞ்சிடுச்சு (5.24%) ,

IIP(Index of Industrial Production) (2.4%) இதூம் பரவாயில்லை …

இப்படி எல்லாமே நல்லா இருந்தும் ...நம்மளாள ஜொலிக்க முடியலை ...

இதுக்கு காரணம் என்னான்னா நம்ம நாட்டுல RETAIL INVESTORS சதவீதம் ரொம்ப கம்மி ... நம்ம மக்கள் எல்லோரும் இந்த களத்துல இறங்கிட்டா அவனுங்களே ஒரு கை பாத்துடலாம் ...

நம்ம நாட்டுல இருக்கிற மக்கள் தொகைக்கு ... வெளிநாட்டு பயலுக முதலீடு எல்லாம் கால் தூசி ...


சுப்பன் :

எதாவது கெட்ட சேதின்னா , விழுகிற மொத அடி ரியல் எஸ்டேட் பங்கு பக்கம் தான் போல இருக்கு ...


ரங்கன் :

நீ சொல்றது உண்மைதான் சுப்பா ... ஆனா என்னிக்காவது ஷார்ட் கவரிங்ன்னு வரும் போது , உள்ளே புகுந்து லாபத்தோடு வெளிய வந்துடு ...அடிவாங்கிட்டு இருக்கிற எல்லாத்துக்கும் ஒரு நாள் திருவிழா வரும் ...அன்னிக்கு பொங்கல் வச்சிரு ...


சுப்பன் :

இந்த வாரம் சந்தை எப்படிப்பா இருக்கும் ...


ரங்கன் :

நிஃப்ட்டி 2950 தாண்டுனாத்தான் எதையும் சொல்ல முடியும் ...


சுப்பன் :

என்ன ரங்கா , டாக்டர் கெடு கொடுத்த மாதிரி பேசிட்டு இருக்கே ...


ரங்கன் :

நானாவா சொல்றேன் ...டேட்டா அப்படி சொல்லுது ...

இதுல எதாவது மாற்றம் வந்தால் மேல போகும் ...


இந்த வாரம் நிஃப்ட்டி

சப்போர்ட் நிலைகள் : 2790,2690,2620,2490,2450

தடுப்பு நிலைகள் : 2880,2950,(3050,3150)


சுப்பன் :

அதெப்படி ரங்கா வரிசையா எல்லா நம்பரும் சொல்றே ...


ரங்கன் :

சுப்பா இந்த இடம் வரும்போதெல்லாம் வாங்குறதா இருந்தாலும் , விக்கிறதா இருந்தாலும் கொஞ்சம் நல்லா யோசிச்சு முடிவு எடுக்க தான் சொல்றேனே தவிர. நீ இதைதான் பண்ணனும்னு சொல்ல வரலை ..


சுப்பன் :

சரிடா எடுபட்டவனே ...அடுத்த வாரம் பாக்கலாம் ...


ரங்கன் :

போடா நன்னாரிக்கு பொறந்த மன்னாரு ...




(சுப்பன்,ரங்கன் அரட்டை தொடரும் ...)